சற்று முன் விஜயகலா கைது!! ஒருங்கமைக்கப்பட்ட நாடகமா?

முன்னாள் இராஜாங்க அமைச்சர் விஜயகலா மகேஸ்வரன் சற்று கொழும்பில் வைத்து ஒழுங்கமைக்கப்பட்ட குற்ற செயலக விசாரணைப் பிரிவினரால் கைது செய்யப்பட்டுள்ளதாக பொலிஸ் ஊடகப்பிரிவு தெரிவித்துள்ளது.

இவர்இன்று காலை கொழும்பு வெள்ளவத்தை பகுதியிலுள்ள அவரது இல்லத்தில் வைத்து ஒழுங்கமைக்கப்பட்ட குற்ற செயலக விசாரணைப் பிரிவினரால்கைது செய்யப்பட்டுள்ளதாக பொலிஸ்ஊடகப்பிரிவு தெரிவித்துள்ளது.

யாழ்ப்பாணத்தில் கடந்த ஜூலை மாதம் 2 ஆம் திகதி இடம்பெற்ற அரச நிகழ்வு ஒன்றில் வைத்து தமிழீழ விடுதலைப் புலிகளின் மீள் உருவாக்கம் தொடர்பில் கருத்து வெளியிட்டிருந்தார்.

விஜயகலா மகேஸ்வரனின் உரை தென்னிலங்கையில் சர்ச்சையை ஏற்படுத்தியிருந்தது.

இதனையடுத்து ஐக்கிய தேசியக் கட்சி, ஸ்ரீலங்கா சுதந்திரக் கட்சி மற்றும் கூட்டு எதிரணி ஆகியன விஜயகலா மகேஸ்வரனின் இராஜாங்க அமைச்சு பதவியை பறிக்குமாறு வலியுறுத்தியிருந்த நிலையில் அவர் தனது இராஜாங்க அமைச்சு பதவியை இராஜினாமா செய்திருந்தார்.

இந்நிலையில் விஜயகலா மகேஸ்வரனின் உரை தொடர்பாக விசாரணைகளை மேற்கொண்டிருந்த குற்றப் புலனாய்வு பிரிவினர் இன்றைய தினம் அவரை கைது செய்துள்ளனர்.

கைது செய்யப்பட்டுள்ள விஜயகலா மகேஸ்வரனை நீதிமன்றத்தில் முன்னிலைப்படுத்த நடவடிக்கை மேற்கொள்ளப்பட்டுள்ளது.  இதே வேளை இந்த கைது சம்பவம் விஜயகலாவுக்கு தமிழ் மக்கள் மத்தியில் செல்வாக்கை உயர்த்துவதற்கான நாடகமாக இருக்கலாம் என அரசியல் அவதானிகள் சந்தேகம் தெரிவிக்கின்றனர். விஜயகலா இன்றே நிச்சயம் பிணையில் வெளியே வருவார் என்றால் அது நாடகமாகவே இருக்கலாம் எனவும் அவர்கள் தெரிவித்துள்ளனர்.