சிங்கள விபச்சாரியுடன் சுன்னாகத்தில் படுத்த கூட்டமைப்பு உறுப்பினர்கள்!! அங்கஜன் என்ன செய்தார்?

தேர்தல் தோல்வி.... புண்பட்ட நெஞ்சை ஆற்ற சிங்கள பாலியல் தொழிலாளியை அழைத்த தமிழரசுக்கட்சி உறுப்பினர்கள்... ஆயிரம் ரூபா காணாததால் அல்லோலம்..... கல்வீட்டில் இருந்து கல்லெறிந்த அங்கஜன் இராமநாதன்!

தமிழரசுக்கட்சியின் இரண்டு உறுப்பினர்கள், சிங்கள விபசார யுவதியொருவருடன் உல்லாசமாக இருந்தபோது, சிக்கி கொண்டனர். கடந்த உள்ளூராட்சிசபை தேர்தலிற்கு மறுநாள் நடந்த இந்த நிகழ்வின் காணொளி (சிசிரிவி)களை பெற்றுக்கொள்வதில் ஏற்பட்ட தாமதத்தால்,

இந்த செய்தியை வெளியிடுவதில் தாமதம் ஏற்பட்டது. பாலியல் தொழிலாளியான யுவதியுடன் பேசிய பணத்தை கொடுக்காததாலேயே, இவர்கள் சிக்க வேண்டியேற்பட்டது. இதுபற்றிய முழுமையான விபரத்தை தருகிறோம்.

கடந்த உள்ளூராட்சிசபை தேர்தலில் குறித்த ஒரு முக்கிய சபை ஒன்றில் போட்டியிட்டு   தோல்வியடைந்த உறுப்பினரான டயன் ( பெயர் மாற்றம்) தோல்வியையடுத்து மனமுடைந்த நிலையிலிருந்தவர் , தனக்கு நெருக்கமானவர்களிடம் தொலைபேசியில் பேசி, மனதை தேற்றிக் கொண்டிருந்தார். இப்படி அவர் தொடர்பு கொண்டவர்களில் ஒருவரே ரீ.பிரபு (பெயர் மாற்றம்) - . யாழில் உள்ள ஒரு சபையின் முன்னாள் பொறுப்பாளராக இருந்தவர்.. இம்முறையும்  பதவியை பெற்றுக்கொள்வதற்காக, தேசிய கட்சிகளுடனும் இரகசிய பேச்சில் ஈடுபட்டு வருகிறார்.

டயனை   தேற்றிய பிரபு, தனக்கும் முக்கிய பதவி இல்லாததால் தானும் சோகத்தில் இருப்பதாகவும், டயனை தன்னிடம் வருமாறும் அழைத்துள்ளார். இதையடுத்து, டயன் சாவகச்சேரியில் இருந்து மருதனார்மடத்திற்கு புறப்பட்டார்.

யாழ் நகரத்தை அண்மித்த பகுதியில் அவர் வரும்போது, மீண்டும் தொடர்புகொண்ட பிரபு, நகரின் குறிப்பிட்ட பகுதியில் நிற்கும் யுவதியொருவரை அழைத்து வருமாறு கூறியிருக்கிறார். (அவர் பாலியல் தொழிலாளியென்பதை கிசோர் முன்னரே அறிந்திருந்தாரா என்பதை உறுதிசெய்ய முடியவில்லை) இதன்படி அந்த யுவதியையும் ஏற்றிக்கொண்டு, மருதனார்மடத்திற்கு வந்துள்ளார் டயன்.

மருதனார்மடத்தில் ஜொலி போல் என்ற ரெஸ்ரோரண்ட் உள்ளது. இதன் உரிமையாளர் துவாரகன் என்பவர், கடந்த உள்ளூராட்சி தேர்தலில் சிறிலங்கா சுதந்திரக்கட்சியின் சார்பில் போட்டியிட்டு வெற்றிபெற்றவர். (பாலியல் தொழிலாளியை எந்த தயக்கமுமின்றி அந்த விடுதிக்கு அழைத்து சென்றிருக்கிறார்கள் என்றால், சுதந்திரக்கட்சியின் பின்புலத்தில் இயங்கும் அந்த விடுதியில் பாலியல் தொழில் நடக்கிறதா என்ற சந்தேகம் எழுகிறது)

அந்த விடுதியில் உள்ள அறையில் யுவதி தங்கியிருக்கிறார். டயன், பிரபு ஆகியோர் அதிகமாக மது அருந்தினர். (பின்னர் அந்த இடத்திலிருந்து சென்றுவிட்டேன் என டயன் கூறுகிறார். எனினும், காணொளியில் பிரபுடன் இன்னொருவர் பாலியல் தொழிலாளியின் அறைக்குள் சென்றது பதிவாகியுள்ளது. அது டயனா என்பதை உடனடியாக உறுதிசெய்ய முடியவில்லை)

அந்த யுவதி, அவர்களுடன் வருவதற்கு 3000 ரூபா பேரம் பேசியிருக்கிறார். “எல்லாம் முடிந்த பின்னர்“ தன்னிடமிருந்த பணத்தை கணக்கிட்டார் பிரபு. 2000 ரூபாய்தான் இருந்தது. அந்த பணத்தை வைத்திருக்கும்படி பாலியல் தொழிலாளியிடம் கொடுத்துள்ளார். எனினும், பேசிய பணத்தை தருமாறு யுவதி வலியுறுத்த, அங்கு சச்சரவு தோன்றியது.

இந்த சமயத்தில் இரண்டு பொலிசார் கடைக்கு வந்தனர். அவர்களை கண்டதும், பிரபு பின்பக்கத்தால் பாய்ந்து தப்பியோடியுள்ளார். பிரச்சனை பொலிசாரிடம் சென்றது.

நிலைதடுமாறும் போதையில் நின்ற பிரபு, இது சாதாரணமாக சிறிது நேரத்தில் முடிந்துவிடும் என நினைத்தார். வடமாகாணசபை உறுப்பினரிடம்  சாரதியாக பணியாற்றும் ஒருவர் முச்சக்கரவண்டி வைத்துள்ளார். அவரை தொடர்புகொண்ட பிரபு, அந்த விடுதிக்கு போய், அங்குள்ள யுவதியை ஏற்றிச்சென்று யாழ் நகரத்தில் விட்டுவிடுமாறு கேட்டுள்ளார். ஒரு வாடகை ஓட்டம் கிடைத்ததையடுத்து, அந்த நபர் தனது முச்சக்கரவண்டியில் அங்கு சென்றிருக்கிறார்.

இதற்குள் பொலிசார் தலையிட்டதையடுத்து, அங்கு கூடிய சுதந்திரக்கட்சி சார்பில் செயற்பட்ட ரௌடி குழுவொன்று, குறித்த சாரதியை தாக்கி, அவரையும் தடுத்து வைத்துள்ளனர்.

சாரதியின் தொடர்பும் கிடைக்காததையடுத்து,பிரபு தொலைபேசியில் வடமாகாணசபை உறுப்பினரை அழைத்துள்ளார். அப்போது நிகழ்வொன்றில் இருந்த வடமாகாணசபை உறுப்பினரிடம், “நான் மருதனார்மடத்தில் ஒரு பிரச்சனையில் சிக்கியுள்ளேன். உங்கள் பாதுகாவலரான பொலிசை அனுப்பிவைக்க முடியுமா?“ என கேட்க, தனது பாதுகாவலரான பொலிசாரின் இலக்கத்தை பிரபுற்கு அனுப்பினார் வடமாகாணசபை உறுப்பினர்.

பொலிஸ்காரரை தொடர்புகொண்டபிரபு, மருதனார் மடத்தில் குறித்த விடுதியில் பொலிசார் சிக்கலை தருவதாகவும், அவர்களை அங்கிருந்து அனுப்பி சுமுக நிலையேற்படுத்தி தருமாறு மேலோட்டமாக தகவலை கூறியுள்ளார். அங்கு சென்ற வடமாகாணசபை உறுப்பினரின் பாதுகாவலர், இரண்டு பொலிஸ்காரர்களுடன் பேசினார். இது சாதாரண பிரச்சனையல்ல, இலேசில் விட முடியாதென பொலிசார் கூறியுள்ளனர்.

இதற்குள், நிகழ்ச்சி முடிந்து வீடு திரும்பிய வடமாகாணசபை உறுப்பினர், பிரபுவை  தொலைபேசியில் அழைத்தார். பிரபுவpன் தொலைபேசி நிறுத்தி வைக்கப்பட்டிருந்தது. நீண்டநெரமாகியும் தனது பாதுகாவலர் வீடு திரும்பாததையடுத்து, தனது காரில் மருதனார்மடத்திற்கு வடமாகாணசபை உறுப்பினர் கிளம்பினார்.

மருதனார்மடத்தில் ஏதோ ஒரு இடத்தில் ஒளிந்து நின்று நிலவரத்தை அவதானித்துக் கொண்டிருந்த பிரபு, உடனடியாக வடமாகாணசபை உறுப்பினரை தொலைபேசியில் தொடர்பு கொண்டு, கடையடிக்கு போக வேண்டாம் என தடுத்துள்ளார். இதற்குள் கடைக்கு அருகில் வடமாகாணசபை உறுப்பினர் வந்துவிட்டார். தகவலறிந்ததும், காரை திருப்பிக்கொண்டு போய்விட்டார்.

சம்பந்தப்பட்ட அனைவரையும் பொலிசார், சுன்னாகம் பொலிஸ் நிலையத்திற்கு அழைத்து சென்றனர்.

வடமாகாணசபை உறுப்பினரின் பொலிஸ்காரர், சாரதி அங்கு நிற்பதையடுத்து, இந்த விவகாரத்தில் வடமாகாணசபை உறுப்பினர் சம்பந்தப்பட்டுள்ளார் என அங்கு சென்ற, துவாரகன் மற்றும் சுதந்திரக்கட்சி ஆதரவாளர்கள் நினைத்தார்கள். உடனடியாக விசயத்தை அங்கஜன் இராமநாதனிடம் தெரிவித்தனர். வடமாகாணசபை உறுப்பினரி சிக்கியதை ஊடகங்களில் பெரிதாக்கி, கூட்டமைப்பிற்கு நெருக்கடி கொடுக்கலாமென அங்கஜன் நினைத்தார். யாழ் பத்திரிகையொன்றின் செய்தியாளரை தொடர்புகொண்ட அங்கஜன், கூட்டமைப்பு மாகாணசபை உறுப்பினர் உள்ளிட்ட பலர் விவகாரத்தில் சிக்கியுள்ளனர். பொலிஸ் நிலையத்திற்கு போனால் விசயத்தை அறியலாமென தகவல் கொடுத்தார்.

பொலிஸ் நிலையத்தில் விடயத்தை சுமுகமாக முடித்து வைத்தனர் பொலிசார். குறித்த பாலியல் தொழிலாளிக்கு பொலிசார் கடுமையாக பேசினர். அவர் பாலியல் தொழில் செய்ததற்காக பேசவில்லை. அரசியல்வாதிகளை நம்பி இப்படியான இடத்திற்கு வந்ததற்காகவே பேசினர்.

தமிழரசுக்கட்சியின் இரண்டு உறுப்பினர்களின் மோசமான செயற்பாடு இது. அதேவேளை, தனது கட்சிக்காரரின் விடுதியில் விபசார செயற்பாடு நடந்ததை கவனிக்காமல், தமிழ் தேசிய கூட்டமைப்பிற்கு சேறு பூச வேண்டுமென நினைத்த அங்கஜனின் மனநிலையை என்னவென்று சொல்வது?


தமிழரசுக்கட்சியைச் சேர்ந்த முக்கிய பொறுப்புவாய்ந்த தலைவர் ஒருவரின் அன்பான கோரிக்கையை கருத்தில் கொண்டு இங்கு சம்மந்தப்பட்ட பெயர்களை மாற்றி புனைபெயர்களாக்கியுள்ளோம்...