யாழில் 6 கிலோ மீற்றருக்கு அப்பால் இருந்த கொள்ளையர்களை மோப்பம் பிடித்த “றொக்கி”

யாழ்.கோண்டாவில் பகுதியில் வீடொன்றுக்குள் புகுந்து வாளை காட்டி அச்சுறுத்தி நகை மற்றும் பணத்தை கொள்ளையிட்ட கும்பலை கோப்பாய் பொலிஸாரின் “றொக்கி” என்ற மோப்ப நாய் சுமார் 6 கிலோ மீற்றர் துாரம் சென்று கண்டுபிடித்துள்ளது.

குறித்த சம்பவம் தொடர்பில் மேலும் தெரியவருகையில்,

கோண்டாவில் பகுதியில் உள்ள வீடொன்றுக்குள் நேற்று முன்தினம் அதிகாலை புகுந்த கொள்ளை கும்பல் வீட்டிலிருந்தவர்களை வாளை காட்டி அச்சுறுத்தி பெருமளவு நகை மற்றும் பணத்தை கொள்ளையடித்து சென்றது.

இந்நிலையில் சம்பவம் தொடர்பாக பாதிக்கப்பட்டவர்களால் கோப்பாய் பொலிஸ் நிலையத்தில் வழங்கப்பட்ட முறைப்பாட்டின் அடிப்படையில் கோப்பாய் பொலிஸாரின் “றொக்கி” பயன்படுத்தப்பட்டது.

இந் நிலையில், சுன்னாகம் – மின்சார நிலைய வீதி பகுதியில் உள்ள வீடொன்றினை நோக்கி மோப்ப நாய் சென்றிருந்த நிலையில் குறித்த வீட்டின் உரிமையாளரிடம் பொலிஸார் விசாரணைகளை மேற்கொண்டிருந்த நியைலில் குற்றத்தை அவர் ஒப்புக் கொண்டார்.


அன்புள்ள வாசகர்களே! நீங்கள் தெரிவிக்கும் கருத்துக்களுக்கு எமது நியுஜப்னா நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துக்களாகும்.

Leave a Reply

Your email address will not be published. Required fields are marked *